Бидний тухай
“Эрдэнэс Монгол” ХХК-ийн охин компани болох “Эрдэнэс Ашид” ХХК нь 100 хувь төрийн өмчит компани юм
Олон улс, орон нутгийн ачаа тээврийг шуурхай найдвартай тээвэрлэх, хадгалах, шилжүүлэн ачих үйл ажиллагааг удирдан зохион байгуулна
Мэдээ мэдээлэл
Цаашдын хөгжил
ЭРДЭНЭС АШИД ХХК-ИЙН ЦААШДЫН ХӨГЖИЛ
“Эрдэнэс Ашид” ХХК нь ачааг олон улс, орон нутгийн тээвэрлэлтэд хүлээн авч тээвэрлэх, хадгалах, шилжүүлэн ачих үйл ажиллагааг удирдан зохион байгуулж, тээвэрлэж буй ачааны бүрэн бүтэн байдлыг ханган, шуурхай найдвартай тээвэрлэх үйл ажиллагааг явуулна.
Дотоодын бүтээгдэхүүний логистикийн төв
Улаанбаатар хотыг хөгжүүлэх ерөнхий төлөвлөгөөнд нийслэлд хотод ачаа тээврийн нэгдсэн логистикийн төвийг хотын зүүн хэсэгт барихаар төлөвлөсөн. Мөн нийслэлийн Засаг даргын үйл ажиллагааны хөтөлбөрт дүүргийн төмөр зам, дэд бүтцийг ашиглан барилгын материалын бөөний худалдаа, логистикийн төв болгон хөгжүүлэхээр тусгасан байдаг. Энэ дагуу нийслэлийн Засаг даргын А/178 дугаар захирамжаар ачаа тээврийн нэгдсэн логистикийн төвийг төр ба хувийн хэвшлийн түншлэлийн хүрээнд байгуулна.
Экспортын бүтээгдэхүүний логистикийн төв
Экспортын тээвэр логистикийн төв” байгуулагдсанаар Монгол Улсыг Евроазитай холбосон тээврийн оновчтой сүлжээг бий болгож, транзит тээврийг нэмэгдүүлэх, экспорт, импортын бараа бүтээгдэхүүний тээвэр, логистикийн өртгийг бууруулж, барааны эргэлтийг хурдасгах, чөлөөт худалдааны боомт бүсийн хөнгөлөлттэй бодлогод Монголын аж ахуйн нэгжүүдийг хамруулан үйлдвэрлэл, үйл ажиллагаа эрхлэх нөхцөл бүрдэнэ.
Орон нутаг болон олон улсын ачаа тээвэр
Үйлчлүүлэгчийн урьдчилан өгсөн захиалгыг үндэслэн орон нутгийн харилцаанд тээвэрлэх ачааг нээлттэй нэг өртөөнөөс нөгөө өртөөнд тээвэрлэнэ. Мөн олон улсын харилцаанд тээвэрлэж буй ачааг Монгол Улсын Төмөр замын тээврийн тухай хууль, Олон улсын төмөр замын ачааны харилцааны хэлэлцээр, холбогдох бусад хууль тогтоомжийг удирдлага болгон тээвэрлэнэ
Тусгай нөхцөл шаардсан ачаа
Аюултай ачаа гэдэг нь хүний эрүүл мэнд, байгаль орчин, мал амьтанд аюултай, хортой нөлөөлөл үзүүлэх, улмаар үхэл мөхөлд хүргэх үйлчилгээтэй төмөр замаар тээвэрлэж, ачилт буулгалт хийх болон хадгалалтын үед төмөр замын төхөөрөмж, хөдлөх бүрэлдэхүүн болон бусад ачааг гэмтээх, тэсэрч дэлбэрэх, гал гарахад хүргэж болохуйц (болзошгүй) бодис, эд зүйлс (бүтээгдэхүүн)-ийг хэлнэ. Аюултай ачааг төмөр замаар тээвэрлэхэд холбогдох хууль тогтоомж, Төмөр замын тээврийн үндсэн дүрэм журмуудыг удирдлага болгож ажиллана.
Ачиж, буулгах үйлчилгээ
“Эрдэнэс Ашид” ХХК-ийн ачих, буулгах ангиуд нь ачааны бүрэн бүтэн байдал, чингэлэг тээвэрлэлт, тээврийн нөхцөл, хөлс тариф, эрэл хийх, тээврийн онцгой нөхцөл шаардсан ачааны техникийн нөхцөл боловсруулж тээвэрлэлтийг зохион байгуулах, вагон пүүлэх зэрэг бүх төрлийн цогц үйлчилгээ үзүүлэхэд зориулан том, жижиг оврын техник тоног төхөөрөмжөөр бүрэн тоноглогдсон байдаг.
Тээвэр зуучлалын үйл ажиллагаа
- Гаалийн үйлчилгээ
- Гаалийн бүрдүүлэлт
- Гаалийн зуучлалын үйлчилгээ
- Гаалийн баталгаат агуулахын үйлчилгээ
- Агуулах, талбайн үйлчилгээ
- Чингэлэг,вагон түрээсийн үйлчилгээ
- Нэг цонхны үйлчилгээ
- Гаалийн бүрдүүлэлт
- Гаалийн зуучлалын үйлчилгээ
- Гаалийн баталгаат агуулахын үйлчилгээ
- Агуулах, талбайн үйлчилгээ
- Чингэлэг,вагон түрээсийн үйлчилгээ
- Нэг цонхны үйлчилгээ
